A do të jetë më ministër i Brendshëm? Sandër Lleshaj habit me përgjigjen e re

Pas largimit të Besa Shahinit në krye të Arsimit, u aludua se rradha mund të ishte e ministrit të Brendshëm Sandër Lleshaj.

Ndërkohë ky i fundit ka reaguar pas zërave që qarkulluan, duke thënë se do të jetë në detyrë duke e kryer me përkushtim.

“Nëse besoni burimet tuaja është përgjegjësi e juaj. I kam dëgjuar vonë, dhe nuk e kam zakon të komentoj lajme pa kuptim. Jam në detyrë dhe vijoj të përmbush me përgjegjësi dhe angazhim maksimal detyrën.

Nuk ka asgjë të vërtetë në ato që thoni ju dhe unë vazhdoj detyrën. Lajmet që prodhohen do të thotë se sa të rëndë e kemi procesin e informimit në Shqipëri”, tha Lleshaj.

Vetë Lleshaj nuk ka qenë shumë i qartë në përgjigjet e tij, ndoshta sepse nuk ka patur dijeni nëse Rama do ta mbante apo jo në qeveri.

Fillimisht Lleshaj u largua si drejtues politik nga Qarku i Lezhës, më pas vetë pohoi se posti ministror nuk është i përjetshëm dhe se një ditë do të largohej, pastaj e la evazive nëse do të qëndronte në detyrë deri më 25 prill, ndërsa sot u shpreh i bindur se do të jetë ministër.