Ministria e Mbrojtjes ka njoftuar se në vendin tonë janë ende 10 vatra zjarri aktive. Vatrat janë nën monitorim dhe nuk paraqesin asnjë rrezik për qëtetarët.
Mësohet se janë rreth 200 efektivë të Forcave të Armatosura që kanë ardhur në ndihmë të zjarrfikësve në disa nga bashkitë e vendit.
Mësohet se deri më tani 10 vatra mbeten aktive, por nën monitorim dhe nuk paraqesin asnjë rrezik për qytetarët.
Në Lezhë janë aktive 4 vatra zjarri, në njësinë administrative Shëngjin, zona Rëra e hedhur-Maja e Zezë dhe po punohet për izolimin e tyre.
Zjarri në malin e Kakarriqit është izoluar pothuajse totalisht.
Ndërsa në Rubik, në fshatin Katund i Vjetër, vatra ka intensitet të ulët dhe është nën monitorim.
Në Elbasan ka patur një vatër zjarri në Gramsh në fshatin Siman. Policia ka nisur hetimin për shkaqet e zjarrit.
Në Fier nga 3 vatra, 2 tashmë janë lokalizuar dhe janë drejt përmirësimit. Situata është nën kontroll edhe në fshatin Hekal, Mallkastër, ku u raportua për zjarr në sipërfaqe me shkurre ullishte dhe pemëtari.
Vështirësi ka paraqitur terreni në njësinë administrative Terpan në pyllin e Ballollit në Berat, por zjarri nuk përbën rrezik për komunitetin, pasi ndodhet larg zonave të banuara.