Zhduket adoleshenti shqiptar/ Policia ngre alarmin: Ja tipari dallues, kush e sheh të njoftojë (EMRI)

Një adoleshent shqiptar është zhdukur pa gjurmë së fundmi në Britaninë e Madhe.

Policia vendase ka ngritur alarmin dhe po bën kërkime në zonën Highlands.

Adoleshenti quhet Olti Gega dhe u pa pë herë të fundit në Camagael, Fort William rreth orës 12:00 të së shtunës.

17-vjeçari përshkruhet si trup mesatar dhe flokë të zinj.

Si tipar dallues ai ka një nishan në faqen e djathtë.

Olti u pa për herë të fundit i veshur me një kapuç gri, xhinse të zeza, triko të zezë dhe orë të zezë.

Rreshteri Michael Bell, i cituar nga mediat lokale, tha: “ne po shqetësohemi gjithnjë e më shumë për mirëqenien e Oltit dhe do të nxisja këdo që beson se mund ta ketë parë atë ose që ka ndonjë informacion ta paraqesë sa më shpejtë që të jetë e mundur”.