LIGJET E BIZNESIT
Më 30 gusht të këtij muaji do të zhvillohen zgjedhjet parlamentare në Malin e Zi. Kryeministri Edi Rama ka dalë në një video-mesazh dhe u bën thirrje të gjithë shqiptarëve që të votojnë listën shqiptare për të forcuar partneritetin strategjik me presidentin Gjukanoviç.
“Votoni LISTËN SHQIPTARE dhe forconi partneritetin strategjik me Presidentin Gjukanoviç dhe partinë e tij”, bën apel Rama.
“Të dashur bashkëdhetarë në Malin e Zi, kjo e diel, 30 gusht, nuk është e zakonshme për vendin ku keni shtëpinë tuaj, ku jetoni, punoni dhe rrisni fëmijët tuaj.
Nuk është e zakonshme sepse këtë herë duhet të bëni një zgjedhje me një rëndësi të posacme dhe si asnjëherë tjetër do zgjidhni më shumë sesa thjesht për një parti, për vetë fatin e shqiptarëve në Malin e Zi.
Një Mal i Zi me frymën euroatlantike të botës apo një Mal i Zi me frymmëmarrje të penguar. Një Mal i Zi me të cilin Shqipëria ecën krah për krah apo një Mal i Zi që kthen sytë në drejtime të tjera.
Unë besoj se vota juaj është e qartë dhe shpresoj të jetë e bashkuar në të njëjtin drejtim që fuqizon përfaqësinë tuaj.
Ju bëj thirrje mos e lini për asnjë arsye pa ushtruar të drejtyën e votës dhe ta mbështesni sa më fuqimisht listën shqiptare që lidh për herë të parë Malësinë e Ulqinit në një grupim të vetëm e rrjedhimisht lidh shqiptarët. Pesha juaj nuk është aspak e vogël, roli juaj ka qenë dhe mbetet i pazëvendësueshëm në vendin ku ju kontribuoni”, tha mes të tjerash kryeministri në video-mesazhin e tij.
