LIGJET E BIZNESIT
“Më kërcënuan se do të më vrisnin vëllanë 5 vjeç dhe nënën nëse nuk do të punoja për ta. Nga frika u detyrova të prostituoja”, ky është rrëfimi që një vajzë 17-vjeçare ka bërë para oficerëve të Policisë së Tiranës.policia tirane
Pas shumë përpjekjesh, adoleshentja arriti ta mposhtë frikën dhe të denoncojë tutorët e saj, një çift të rinjsh, të cilët u arrestuan nga Policia.
Vajza 17-vjeçare ka treguar në Polici se shtetasi Gerald Mali (Stamolla) dhe bashkëjetuesja e tij, Evisa Mema, e kërcënonin dhe ushtronin dhunë ndaj saj duke e detyruar që të ushtronte prostitucion.
Për të provuar dhunën e ushtruar ndaj saj, adoleshentja ka treguar edhe shenjat në vende të ndryshme të trupit, që janë fotografuar dhe është bërë këqyrja mjekoligjore.
“Më dërguan në një hotel tek ish-Shkolla e Bashkuar dhe për disa ditë me radhë kam qëndruar aty duke kryer marrëdhënie seksuale kundrejt pagesës, me klientët që i sillnin ata të dy”, ka treguar 17-vjeçarja, duke u shprehur se ajo vetë nuk merrte para nga “puna” që bënte, përveç ndonjë pakete cigaresh apo diçka për të ngrënë, vetëm një herë në ditë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
DESHMIA
Sipas dëshmisë që ka dhënë në Policinë e Tiranës 17- vjeçarja e shfrytëzuar, mësohet se çifti i tutorëve, pas hotelit tek ish-Shkolla e Bashkuar, e kanë dërguar në një tjetër hotel te zona e “Freskut”, ku ka qëndruar edhe 5 ditë, sërish duke kryer të njëjtën “punë”.
“Nuk mund të duroja dot më në atë gjendje dhe vendosa t’i shkruaja një shoku. Këtë e bëra që të mashtroja Geraldin dhe Evisën e të ikja prej tyre”, ka treguar e dëmtuara.
Sipas dëshmisë që ndodhet në dosjen e Prokurorisë, vajza shpjegon se duke menduar se po shkonte për të “punuar”, çifti i dyshuar e lejuan të largohej, por pak orë më vonë i shkuan në shtëpi dhe i morën vëllanë e mitur, duke e kërcënuar që të kthehej sërish tek ata.
“Iu kërkova vetëm pak minuta kohë sa të vishesha dhe të bëja tualet. Kur ata po prisnin jashtë shtëpisë, unë dola nga dera e pasme dhe shkova në Polici, ku i denoncova”, tregon 17-vjeçarja.
Në kohën që ajo ndodhej duke bërë kallëzim në Polici, dy të dyshuarit kanë telefonuar nënën e saj duke e kërcënuar se do të punonte ajo në vend të vajzës për të shlyer pagesën e hotelit.
TE ARRESTUARIT
Çifti i dyshuar i tutorëve, Gerald Mali (Stamolla) dhe Evisa Mema u arrestuan nga Seksioni për Hetimin e Trafiqeve të Paligjshme në Drejtorinë Vendore të Policisë Tiranë dhe dje dolën para Gjykatës për caktimin e masës së sigurisë. Burimet nga salla e gjyqit thanë se gjatë seancës ata e kanë kundërshtuar akuzën e ngritur ndaj tyre, megjithatë ndaj 31-vjeçarit Gerald Mali dhe 27-vjeçares Evisa Mema u caktua masa e sigurisë “Arrest në burg”.
