Vrasja në Shkodër, lum gjaku dhe gëzhoja në vendngjarje, viktima u vra për gjakmarrje

Detaje të reja zbardhen nga vrasja e 30 vjeçarit Gjin Ndoj ose siç njihet ndryshe Gjin Boriçi, në Vaun e Dejës në Shkodër.

Në vendin e ngjarjes janë gjetur 4 gëzhoja, dhe makina e tij tip BMW të cilën e kishte marrë me qera.

30 vjeçari është një person me precedent të mëparshëm penalë për shkak të krimeve ndaj personit.

Duke njohur të shkuarën e tij kriminale, pista e parë e hetimit që ngrihet nga policia është ajo e gjakmarrjes.

Ndërkaq raportohet se pak metra larg vendit të ngjarjes është gjetur dhe një makinë e shkrumbuar që dyshohet se u përket autorëve.

Viktima është qëlluar me armë zjarri në kokë në orët e para të mëngjesit, dhe më pas ka ndërruar jetë.