Vjen lajmi i madh, në takimin mes Kosovës e Serbisë në SHBA do të marrë pjesë edhe presidenti Trump?

Mediet në Kosovë raportojnë se takimi mes liderëve të Kosovës dhe Serbisë në Washingon mund të shtyhet me 2 ditë, pra të zhvillohet më 4 shtator. Kjo shtyrje mund të bëhet me qëllimin që në këtë takim të jetë prezent edhe presidenti i Shteteve të Bashkuara të Amerikës, Donald Trump.

Gazeta Ekspress shkruan se Kosova është pajtuar për shtyrjen e takimit, ndërsa ka mbetur që edhe Serbia të japë qëndrimin e saj. Ndërkohë, më herët zyra e shtypit të Kryeministrit të Kosovës deklaroi se nuk kanë një informacion se takimi në Washington është shtyrë.

“Zyra e kryeministrit nuk është në dijeni për këtë anulim të takimit. Po të kishte diçka të tillë menjëherë do bëhej publike nga ana e jonë”, u tha nga qeveria e Kosovës.

Pak javë më parë, i dërguari i posaçëm i presidentit amerikan për bisedimet Kosovë-Serbi, Richard Grenell tha se udhëheqësit e dy vendeve, presidenti Aleksandër Vuçiç dhe Avdullah Hoti do të takohen më 2 shtator në Shtëpinë e Bardhë. Ky është takimi i dytë që është organizuar nga i dërguari i Shtëpisë së Bardhë për dialogun mes dy palëve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern