LIGJET E BIZNESIT
Ambasadorja e Shteteve të Bashkuara në Shqipëri, Yuri Kim, ka zhvilluar një vizitë pranë resortit “Green Coast”, në Palasë të Vlorës, që është në pronësi të biznesmenit Samir Mane.
Dosja.al, ka siguruar edhe foton ku shihet që eskorta e ambasadores amerikane është shfaqur sot në Palasë, dhe është parkuar pikërisht në një nga vilat e këtij resorti, e cila njihet si vila ku pronari i resortit, Samir Mane, pret miqtë e tij.
Burime nga vendi, i thanë Dosja.al se Yuri Kim, e veshur me një fustan të bardhë me lule ngjyrë rozë, nuk është ndalur të shijojë plazhin e kësaj zone, por është parë të dalë nga kjo vilë dhe të largohet me eskortën e saj, pak kohë pasi është futur.
Dosja.al kontaktoi edhe me zyrën e shtypit të ambasadës së SHBA-vë në Tiranë dhe nuk mori asnjë përgjigje në lidhje më këtë vizitë të ambasadores Kim. Siç duket, bëhet fjalë për një vizitë private të ambasadores së SHBA-ve, Yuri Kim.
