V*au 51 myslimanë/ 29-vjeçari shokon me deklaratën: Isha nisur për në një xhami tjetër

Vitin e kaluar australiani Brenton Tarrant vrau 51 myslimanë në Zelandën e Re. ai është përballur ditën e sotme në gjykatë me familjarët e viktimave dhe me të mbijetuarit.

Të gjithë i ka shokuar reagimi i autorit të masakrës, pasi nuk ka shpallur pendesë në asnjë moment.  Madje ka deklaruar se donte të vriste më shumë dhe se ishte nisur në një tjetër xhami.

 “Doja të vrisja sa më shumë. Pas sulmit isha nisur për në një xhami tjetër në Ashburton për të kryer një sulm tjetër kur më ndaluan,” i ka thënë Tarrent para gjykatës.

29 vjeçari është shpallur fajtor për 51 vrasje, 40 vrasje të mbetura në tentativë dhe një akt terrorist.

Avokatët presin që 29-vjeçari të vuajë dënimin e tij të përjetshëm në burg.

Ngjarja tragjike ndodhi më 15 Mars 2019, ku 29-vjeçari hyri në një xhami dhe sulmoi me breshëri plumbash myslimanët, ndërsa videon e publikoi në rrjetet sociale.