Tiranë/ Shoferi ‘tapë’ përfundon në trotuar dhe përplas 4 persona, arrestohet nga policia

Një aksident i rëndë ka ndodhur sot në mëngjes në Tiranë.

Mësohet se një drejtues automjeti në gjendje të dehur ka humbur kontrollin dhe është ngjitur mbi trotuar duke përplasur 4 persona.

Të plagosurit janë dërguar menjëherë në spital dhe ndodhen jashtë rrezikut për jetën.

Kalimtarët janë identifikuar si shtetasit me iniciale E.Y, L.Y, L.D dhe M.Sh, ndërsa shoferi është 49 vjeçari A.L.

Ky i fundit është arrestuar dhe policia po punon për zbardhjen e ngjarjes.

NJOFTIMI ZYRTAR I POLICISE

“Nga specialistët e Qarkullimit Rrugor u bë arrestimi në flagrancë i shtetasit: A.L., 49 vjeç, banues në Tiranë. Arrestimi i këtij shtetasit u bë pasi në rrugën “Llazi Miho”,  duke drejtuar mjetin në gjendje të dehur në masën 0.64 mg/l, ka humbur  kontrollin e mjetit,  dhe është ngjitur në trotuar duke aksidentuar këmbësorët: E.Y., L.Y., L.D., dhe M.SH., të cilët ndodhen në spital, nën kujdesin e mjekëve.

Materialet i kaluan Prokurorisë së Rrethit Gjyqësor Tiranë, për veprat penale “Shkelja e rregullave të Qarkullimit Rrugor” dhe “Drejtim i mjetit në menyrë të parregullt”.