Temperatura të larta por surpriza gjatë ditës, njihuni me parashikimin e motit për sot

Ditën e djeshme vendi ynë u ndikua nga kushte të qëndrueshme atmosferike dhe mot i kthjellët por nuk munguan as vranësirat kalimtare kryesisht në relievet malore.

Temperatura më e lartë u regjistrua në qytetin e Shkodrës me 37°C ndërsa në kryeqytet temperatura më e lartë u shënua 35°C.

Ndërkohë edhe për ditën e sotme pritet që vendi ynë të ndikohet nga kushte atmosferike relativisht të njëjta.

Moti do të nisë i kthjellët në të gjithë territorin dhe gradualisht nga orët e mesditës deri ato të pasdites do të ketë shtim vranësirash.

Ndryshe nga dje, sot  pritet që vranësirat në relievet kodrinore-malore nga orët e mesditës deri ato të pasdites të shoqërohen me reshje shiu të herëpashershme me intensitet kryesisht të ulët. Por lokalisht dhe në kohë afatshkurtër reshjet do të arrijnë itensitet mesatar e deri të lartë me reshjet të cilat pritet të jenë në formën e stuhive apo rrebesheve shoqëruar me breshër, thuhet në parashikimin e shërbimit meteorologjik.

Sa i përket fushës termike temperaturat në vlerat minimale parashikohen me vlera nga 16°C në zonat malore deri 24°C në ato të ulta e bregdetare. Temperaturat e mesditës parashikohen në të njejtat vlera me ato të ditës së sotme me vlera të parashikuara nga 32°C në relievet malore deri në 36-37°C në ato të ulta.