Fshati Pajovë në Peqin është alarmuar nga disa të shtëna me armë zjarri në rrugën nacionale që e lidh këtë qytet me Elbasanin.
Nga informacionet paraprake nuk raportohet për persona të lënduar, ndërsa burime për Fax News, bëjnë me dije se dyshohet që të ketë qëlluar me armë një biznesmen në këtë zonë.
Krismat janë dëgjuar në një lokal ku po zhvillohej një dasëm dhe biznesmeni dyshohet të ketë qëlluar në ajër.
Policia ka mbërritur pranë vendit të ngjarjes ku ndodhet edhe një karburant, por nuk raportohet zyrtarisht nëse autori ka qëlluar pas ndodnjë konflikti të mundshëm apo nga gëzimi familjar siç edhe ndodh në disa rasdte në evente të tilla pavarësisht se është e ndaluar me ligj./faxweb
