“Sulm politik, do e apelojmë” Deklarata e fortë e avokatëve të Ylli Ndroqit pas akuzave të ngritura

Ditën e sotme SPAK ka vendosur të sekuestrojë 26 pasuri të biznesmenit të njohur në fushën e medias Ylli Ndroqi.

Menjëherë pas këtij lajmi kanë folur avokatët e Ndroqit, të cilët ishin të pranishëm në ambientet e Drejtorisë së Policisë në Tiranë së bashku ne biznesmenin.

Ata u shprehen se ky vendim është marrë nga Gjykata e Shkallës së Parë të SPAK, ndërsa do ta apelojnë në shkallë më të lartë të gjyqësorit.

Për avokatët, sulmi ndaj Ylli Ndroqit është politik, pasi biznesmeni ishte në gjyq me kryebashkiakun e Tiranës Erjon Veliaj.

“Ylli Ndroqi nuk është i shoqëruar. Na është dhënë vendimi në dorë për sekuestro. Ky është vendim i shkallës së parë të SPAK, do ta apelojmë. Makina e tij ndodhet në ambjentet e Policisë së Tiranës.

Zoti Ylli Ndroqi do të provojë para gjykatës se pasuria e tij është e ligjshme dhe e vendosur nga bizneset e tij. Ky është një sulm politik ndaj Ylli Ndroqit, pasi ishte në gjyq me kryebashkiakun e Tiranës Erjon Veliaj”, u shprehën avokatët.