Numri i vdekjeve nga përmbytjet në provincën turke Giresun në Detin e Zi, ka shkuar në katër, përfshirë një oficer të xhandarmërisë, tha të dielën ministri i brendshëm i Turqisë. Süleyman Soylu tha se 11 persona gjithashtu u raportuan të zhdukur në provincën verilindore, ndërsa 127 njerëz kanë shpëtuar. Ai tha se rrugët për në 118 fshatra janë mbyllur.
Në komentet e mëparshme të bëra pas mbërritjes së tij në vendngjarje, Soylu tha se pesë oficerë të xhandarmërisë dhe një operator ekskavatori u zhdukën pasi një digë e vogël 5 metra e lartë u rrëzua për shkak të përmbytjeve në rajon.
Përpjekjet e shpëtimit vazhduan në një sallë dasme në rrethin Dereli, ku mysafirët u dërguan në një vend të sigurt.
Duke cituar informacione nga autoriteti shtetëror i meteorologjisë, Soylu tha se shirat, të cilat filluan të shtunën, arritën në 137 kilogramë densitet dhe prekën shumicën e rretheve. Ai paralajmëroi se 50 deri në 100 kilogramë reshje priteshin në rrethet Çanakç?, Görele dhe Do?ankent të dielën, shkruan gazeta turke Dailysabah.
Më parë, Guvernatori i Giresun, Enver Ünlü tha se ekzistojnë një numër i personave të bllokuar që nuk janë identifikuar dhe disa njerëz janë shpëtuar nga reaguesit e urgjencës.
Ekipet po punonin për rihapjen e rrugëve pasi automjetet dhe pajisjet e rënda prisnin që ujërat të tërhiqeshin para se të hynin, shtoi ai.
Ujërat shkaktuan që automjetet në Dereli të zhyten, dhe ndërtesa u shkatërruan gjithashtu në zonë.
