Situatë alarmante në Kosovë, ja sa humbje jete dhe raste të reja sot

Në Kosovë, situata vijon të jetë ë rënuar për shkak të koronavirusit. Sipas autoriteteve, gjatë 24 orëve të fundit e kanë humbur betejën me Covid 9 persona, duke e çuar kështu numrin e viktimave në 508.

Nga 466 persona të testuar si të dyshuar me Covid-19, 115 prej tyre kanë rezultuar pozitivë.

Rastet pozitive janë nga: komuna Prishtinë 41 raste, komuna Prizren 11 raste, komuna Drenas 8 raste, komuna Gjakovë 7 raste, komuna Ferizaj 6 raste, komuna Mitrovicë 6 raste, komuna Fushë Kosovë 4 raste, komuna Gjilan 4 raste, komuna Deçan 3 raste, komuna Suharekë 3 raste, komuna Vushtrri 3 raste, komuna Dragash 2 raste, komuna Junik 2 raste, komuna Kamenicë 2 raste, komuna Lipjan 2 raste, komuna Pejë 2 raste, komuna Rahovec 2 raste, komuna Shtime 2 raste dhe me nga një rast komunat Han i Elezit, Klinë, Malishevë, Obiliq dhe Podujevë.

Kujtojmë që deri më tani në Kosovë 508 persona e kanë humbur betejën me Covid-19, ndërsa numri i përgjithshëm i të infektuarve ka shkuar në 13.215.