Të gjithë e mbajmë mend personazhin “Partizani i Vogël Velo”.
Ky simbol i sakrificës është lakuar aq shumë as më pas u portretizua dhe në filmin që mban të njëjtin emër.
Por së fundmi mësohet se Konstandin Ropi, heroi i letrarizuar, partizani i vërtetë Velo, është ndarë nga jeta në moshën 90-vjeçare.
Konstandin Ropi ka lindur në Leshnicë, Vithkuq në vitin 1930.
Ai mbeti jetim që në moshë të vogël, pasi i u vranë prindërit dhe doli në mal partizan në moshën 12-vjeçare.
Është personazhi real i filmit të Kinostudios “Shqipëria e Re” që u kthye në heroin e filmit “Partizani i vogël Velo”.
Pas Çlirimit ka mësuar në një shkollë ekonomike për kontabilitet në vitet 1947 – 1948. Më pas ka studiuar në shkollat ushtarake në BS.
Në Tiranë përfundoi Shkollën e Bashkuar të Oficerëve dhe Akademinë Ushtarake. Më pas, kur mbaroi Akademinë Ushtarake shkoi me shërbim në Durrës ku shërbeu për shumë vite.
Pas daljes në pension u rikthye në vendlindje në Korçë.