Si ta nisni ditën mbarë? 5 truket që duhet të bëni çdo mëngjes

E keni vënë re që ka disa ditë ku çdo gjë shkon më mirë nga ç’mund ta kishit marrë me mend?

Zgjoheni në kohë, mbi të gjitha pa qenë nëvoja të dëgjoni melodinë acaruese të alarmit, keni kohë të kujdeseni për veten, të shijoni kafenë e parë në familje, të hani mëngjes, madje edhe të lexoni shtypin e ditës.
Arrini në punë herët dhe ndiheni sikur do të ‘pushtoni’ botën. Por, në anën tjetër të medaljes janë ato ditët e shëmtuara që duhet t’i zhdukni fare nga muaji. Jeni vonë, nuk dini ku keni kokën, kujtoheni në mes të rruges që keni harruar portofolin në shtëpi dhe keni vetëm disa kacidhe me vete.

Çdo gjë është një kaos i vërtetë dhe vetmja gjë që doni është thjesht të flini. E dini që ka disa truke që ju ndihmojnë të organizoni ditës dhe të ndiheni energjikë e produktivë gjatë gjithë kohës?

Sipas psikoterapeutes Ellen Goodwin ato janë:

Zgjohuni menjëherë pas alarmit: Me siguri tundoheni për të qëndruar edhe 5 minuta tjerë në shtrat, por kjo gjë është e gabuar pasi trupi nuk është akoma gati për një cikël gjumi të dytë.

Pini një gotë ujë pas zgjimit: Kjo traditë e lashtë aziatike është një ndër ato gjërat e vogla të përditshmërisë që kanë një ndikim shumë të madh në organizëm. Pirja e ujit esull rizgjon organizmin, e aktivizon atë dhe hidraton trupin.

Mos dilni nga shtëpia pa ngrënë mëngjes: Duke qenë se gjatë gjumit realizohet procesi i eleminimit të shumë toksinave dhe lëngjeve të panevojshëm nga organizmi, ai tashmë ëstë ‘’bosh’’. Për këtë arsye duhet ta ushqeni me energji dhe lëndë ushqyese të reja.

Ekspozohuni në dritë natyrale: Hapni perdet e rënda dhe grilat dhe lejoni dritën natyrale të hyjë në dhomën tuaj. Ju ndihmon të jeni më të relaksuar.

Planifikoni ditën: Në qoftë se nuk jeni tipi i axhendave, mund të bëni një të tillë me mendje.