Një shpërthim i fuqishëm ka ndodhur ditën e sotme në kryeqytetin e Libanit, Bejrut.
Mësohet se ngjarja e rëndë ka ndodhur në një fabrikë fishekzjarresh. Në fillim ka pasur shpërthime të vogla, duke shkaktuar zjarr dhe tym, por më pas një shpërthim tjetër shumë i madh ka shkaktuar dëme kolosale, materiale dhe në njerëz.
Deri më tani nuk ka asnjë informacion zyrtar, por nga pamjet duket qartë se bëhet fjalë për dhjetra të plagosur dhe dyshohet se ka shumë viktima.
Ndërtesat aty pranë janë rrafshuar, makinat kanë “fluturuar” në ajër, dhe sipas gazetarit të Sky news i cili raporton nga vendngjarja, nuk ka asnjë dritare që ka shpëtuar pa u thyer.
Zona ku ka ndodhur shpërthimi është një zonë shumë e populluar, ndaj mendohet se fatkeqësisht mund të kemi të bëjmë me një tragjedi.