Një automjet i llojit “Audi” ka shpërthyer në flakë dhe është djegur totalisht. Ngjarja ka ndodhur mbrëmjen e sotme në lagjen “Apollonia” në qytetin e Fierit.
Mësohet se automjeti ishte parkuar në një rrugicë të kësaj lagjeje në momentin që ka marrë flakë.
Fatmirësisht, drejtuesi i “Audi”-t sapo kishte zbritur nga makina dhe nuk ka mbetur i lënduar. Por tre makina të tjera, të cilat ishin parkuar pranë makinës së llojit “Audi”, janë dëmtuar nga flakët.
Për më shumë bëhu pjesë e grupit më viral në Facebook, Dosja.al
Ende nuk dihen shkaqet e zjarrit, por ngjarja po hetohet nga policia.
