Një tjetër zjarr ka rënë në Pyllin e Pishës pranë fshatit Kamenicë, pjesë e Parkut Kombëtar Divjakë-Karavasta.
Rreth 1 orë më parë, specialisti i ADZM Fier, Dorian Nasi, ka konstatuar një vatër zjarri pranë fshatit Kamenicë, dhe menjëherë grupi i gatishmërisë së zjarreve të administratës së Parkut, së bashku me banorët vendas, e izoluan për pak kohë deri ne mbërritjen e grupit zjarrfikës të bashkisë Divjakeë.
Drejtori i parkut Ardian Koci informon se janë duke shkuar drejt izolimit dhe fikjes së plotë të flakëve.
Zjarri ka ndodhur për shkak të pakujdesisë së fermerëve të cilët përgatisin tokat e tyre për të mbjellat e vjeshtës. Një zjarr tjetër ndodhi 10 ditë më parë në fshatin Kryekuq ku pati dhe autor i cili po ndiqet penalisht.
