Shifrat po rriten, por a duhen ndaluar pushuesit nga Kosova? Ja çfarë sugjeron Pëllumb Pipero

Situata në Shqipëri dhe në Kosovë për shkak të pandemisë është në përmasa shqetësuese.

Duke parë një gjendje të tillë, një nga pyetjet që bëhet vazhdimisht është nëse duhet të ketë kufizime në ardhjen e shqiptarëve të Kosovës në Shqipëri.

Në lidhje me këtë temë ka folur dhe mjeku infeksionist Pëllumb Pipero.

Sipas tij kufizimet e tilla nuk janë të nevojshme për aq kohë sa njerëzit ndërgjegjësohen dhe zbatojnë rregullat e thjeshta të vendosjes së maskës, distancimit dhe higjienës.

“E gjithë bota është në një varkë të madhe. Të gjithë na ka në dorë maska kudo që jemi. Të gjithë kanë të njëjtat rregulla. Nëse i respektojmë këto masa nuk duhet të kemi frikë që bashkëkombasit tanë të vijnë këtu. Por duhet t’i këshillojmë që nëse kanë shenja të mos nisen. Të tjerët mos i kufizojmë pasi përfitojnë shumë nga deti dhe dielli”, shprehet Pipero.