Sapo ishte kthyer nga Anglia, i afërmi dhe hajduti i bëjne ‘gropën’ emigrantit shqiptar

Një emigrant shqiptar i kthyer nga Londra është terrorizuar nga maskat gjatë fundjavës.

Disa grabitës i kanë hyrë në shtëpi natën dhe i kanë marrë shuma të mëdha parash dhe sende me vlerë, në fshatin Muçaj të Elbasanit.

Paraprakisht dyshohet se autorët kanë bashkëpunuar me një të afërm të emigrantit për të realizuar qëllimin e tyre.

Ende nuk ka detaje të sakta mbi shumën e parave dhe sendet që i kanë vjedhur, por familja e tij është e alarmuar nga kjo ngjarje.

Policia vijon punën për zbardhjen e plotë të ngjares dhe të identifikimit të autorëve.