Rrahu shoqen e saj për Nojën, ndodh e papritura për Margarita Gjonin

Margerita Gjoni, 31 vjeçe është lënë në masën ‘arrest shtëpie’ nga GjYKATA E Shkodrës. 31-vjeçarja ka lënë sot qelinë, tre ditë pasi u vu në pranga, pasi dhunoi dhe kanosi të renë me inicialet B.RR., me të cilën e kishte tradhëtuar bashkëshorti.

Sot, gjatë seancës, Gjoni ka shprehur pendesë për dhunën e ushtruar ndaj vajzës, ngjarje e cila u bë virale në rrjet pasi u publikuan edhe videot e dhunës, presionit dhe kanosjes.

“Jam penduar, u trondita nga tradhëtia dhe prandaj e bëra atë gjë. Nuk doja ta dhunoja,”- mësohet se është shprehur Gjoni. Më pas, edhe avokati i 31-vjeçares, ka pohuar të njëjtën gjë.

Besmir Kolci është shprehur se Gjoni është penduar, teksa shtoi se të dhunuarën e ka patur edhe shoqe.

“Kur e ka marrë vesh cfarë ka ndodhur është tronditur prandaj e ka goditur. E ka patur shoqe, e ka mbajtur me të ngrënë e me të pirë,”- mësohet se është shprehur Kolci. Ndërkohë mësohet se Gjoni dhe bashkëshorti i saj, Ndue Preka, për të cilin u bë i gjithë sherri dhe njihet si ‘Noja’ tashmë në rrjetet sociale, janë në process divorci prej tre muajsh.

Margerita Gjoni u vu në pranga më 25 gusht, 24 orë pasi videot ku ajo ushtronte dhunë dhe presion mbi vajzën me të cilën e kishte tradhëtuar i shoqi, bënë xhiron e rrjetit.