Rezulton pozitiv punonjësi i AKU-së, infekton të gjithë familjen

Ministria e Shëndetësisë ka konfirmuar 15 raste të infektuara nga virusi në qytetin e Durrësit.

Mësohet se 4 prej tyre janë pjesë e së njëjtës familje.

Sipas informacioneve, njëri nga anëtarët e familjes punonte në Autoritetin Kombëtar të Ushqimeve, ku dyshohet se është prekur nga pandemia dhe më pas ka infektuar gjithë familjen.

Ndërsa personat e tjerë të infektuar janë kontaktet të rasteve më para.

Kujtojmë që vendi ynë prej ditësh ka shfaqur një numër të lartë të infektuarish dhe viktimash. Ditën e sotme Ministria e Shëndetësisë konfirmoi se 6 persona kanë humbur jetën nga viruis, ndërsa u shënuan dhe 127 raste të reja.