Provohet vaksina e parë anti-covid mbi një grua në Itali, ja si është gjendja e saj

Në shtetin fqinj u bë prova e parë e vaksinës anti-covid, “made in Italy”. Eshtë një grua 50 vjecare që ka dalë vullnetare për bërjen e vaksinës në mëngjesin e sotëm në Spallanzani di Roma. “Jam krenare dhe e emocionuar. Shpresoj që të jem e vlefshme për popullin tonë” ka thënë vullnetarja që ka përshëndetur të gjithë me mesazhin e saj përpara se ti injektohej vaksina.

“Shpesoj që predispozicioni im, mund të jetë I vlefshëm për të shpëtuar jetë dhe që njerëzit të jenë të përgjegjshëm për të mos vendosur në rrisk të tjerët”, shkruan Corriere duke cituar vullnetaren 50-vjecare.

Fjalët e saj u përmendën nga Francesco Vaia, drejtor shëndetësor I spitalit Lazzaro Spallanzani. Më pas ai shpjegoi. “Pacientja po kontrollohet cdo 4 orë dhe është shumë mirë, nuk ka efekte anësore. Po I kontrollohen të gjitha parametrat, më pas do të shkojë në shtëpi dhe do të monitorohet për 12 javët në vijim”.

Vaksina që është quajtur Grad-Cov2, është realizuar nga shoqëria italiane ReiThera. Vullnetarja është zgjedhur ndër 7000 persona që u vetëofruan.

Italia me këtë vaksinë hyn si protagonist në “luftën për vaksinën”: jo për të qenë e para, por për të mos qenë skllave e vendeve të tjera që do të deklarojnë të parët, sqaron drejtori Giuseppe Ippolito në Spallazani.