Protestë në Bilisht/ Udhëtarët: Dogana e Kapshticës bosh, nuk na lënë të kalojmë as në këmbë

Në qytetin e Bilishtit janë bllokuar disa automjete dhe autobusa nga policia. Udhëtarët janë ngritur në protest, pasi policia ka bllokuar aksin rrugor, që udhëtarët të mos kalojnë në pikën kufitare të Kapshticës.

Udhëtarët kanë mbetur të bllokuar në Bilisht prej 5-6 orësh, madje nuk lejohen të shkojnë në doganë as në këmbë.

“Ne na bllokuan. Kam ardhur me autobusë, jemi 200 persona. Ka dhe makina të vogla. Unë humbas punën kështu. Postblloku është kundra ligjit, kundra rregullave. Nëse bllokohemi në doganë ndryshon fjala. Por këta shih. Çfarë bëhet, këta të shfrytëzojnë. Kjo bëhet loja. Bëhet që të vidhet për tamponin.’’- thotë një prej udhëtarëve. Më tej një tjetër udhëtar thotë se iu premtua që pasi të kalonin qytetarët që ishin në radhë në Kapshticë, do të vijohej me ata që ishin bllokuar në Bilisht. Por kjo nuk ndodhi.

”Kemi 5-6 orë këtu në Bilisht. Jemi me autobusë. As si këmbësorë nuk na lejojnë që të shkojmë në doganë. Dogana është bosh aty, ne jemi këtu në Bilisht.”- tha udhetari.

Pas rifillimit të punës në Kapshticë, u paralajmërua se autobusat nuk do të lejoheshin të kalonin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern