‘Po merrte mjekimin’ Dalin detaje të reja për 29-vjeçarin me COVID19 që u hodh nga kati i 3 i ‘Shefqet Ndroqit’

Tirana u trondit mëngjesin e sotëm nga një ngjarje e rëndë.

Një 29-vjeçar i dha fund jetës, pasi u hodh nga kati i 3 i spitalit “Shefqet Ndroqi”, ku po kurohej pasi ishte i infektuar me COVID19.

I riu ishte shtruar prej një jave dhe gjendja e tij shëndetësore ishte drejt përmirësimit.

Burim spitalore theksojnë se 29 vjeçari brenda pak ditësh do të linte spitalin, pasi ishte drejt shërimit, nuk kishte komplikacione dhe nuk dihet pse ndërmorri aktin ekstrem.

“Ai trajtohej me shumë pak oksigjen, 3-4 litra, pra në minimunimin e mundshëm të oksigjenimit të pacientëve. Ishte një pacient që po dilte nga spitali dhe ende nuk dimë arsyet e vërteta se pse ky 29-vjeçar i cili nuk kishte komplikacione të tjera është shtyrë drejt vetëvrasjes. Pacienti ka qenë duke marrë mjekimin në momentin kur ka ndodhur ngjarje. I është bërë një injeksion dhe do të merrte sasinë e serumit”, raportoi gazetari i Neës24.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Policia pranon në komunikatë se 29-vjeçari me inicialet Xh.K. është vetëhedhur nga kati i tretë i spitalit. Ai ishte shtruar rreth 7 ditë më parë nga spitali.