Plagosja në Shkodër/ Policia rrethon zonën, zbulohet identiteti i dy të rinjve

Pak minuta më parë u raportuan të shtëna me armë zjarri në qytetin e Shkodrës.

Policia ka dhë në njoftimin zyrtar dhe bën me dije se dy të rinjtë janë plagosur në këmbë dhe janë jashtë  rrezikut për jetën.

Bëhet fjalë për shtetasit E. Gj., 24 vjeç dhe N. P., 24 vjeç.

Ndërkohë policia ka rrethuar zonën në një perimetër të gjërë dhe po vijon krehjen e saj për të zbuluar autorin/autorët.

Njoftimi i policisë:

Shkodër/Informacion paraprak

Në lagjen Skënderbeg, Shkodër, në afërsi të ish-Fermentimit të duhanit, rreth orës 20:10, në rrethana ende të paqarta janë plagosur në këmbë me armë zjarri shtetasit E. Gj., 24 vjeç dhe N. P., 24 vjeç, të cilët janë transportuar në Spital ku ndodhen jashtë rrezikut për jetën.

Në vendngjarje kanë mbërritur shërbimet policore të DVP Shkodër dhe FNSH.

Është rrethuar në një perimtër të gjerë zona ku ka ndodhur ngjarja dhe vijon krehja e saj nga shërbimet e Policisë Shkodër dhe të FNSH-së.

Janë ngritur pika kontrolli në hyrje-dalje dhe vijojnë kontrollet në të gjithë zonën.

Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e  autorëve.