Pas ngjarjes së ndodhur këtë mbrëmje në fshatin Larushkë të Fushë-Krujës ku janë plagosur babë e bir Shefqet dhe Alban Stafuka, policia ka dalë me informacion.
Uniformat blu shpjegojnë se ata janë plagosur me mjet prerës thikë dhe e gjitha ka ndodhur pas një konflikti të momentit.
Në njoftimin zyrtar shpjegohet se po punohet për zbardhjen e plotë të ngjarjes dhe kapjen e autorit.
NJOFTIMI ZYRTAR I POLICISE
Fushë Krujë/Informacion paraprak
Më datë 09.08.2020, rreth orës 21:00, në fshatin Larushkë, Fushë Krujë, pas një konflikti të çastit janë plagosur me mjet prerës (thikë), shtetasit Sh.S., 58 vjeç dhe A.S., babë e bir, të cilët janë dërguar në spital nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e ngjarjes identifikimin dhe kapjen e autorit.