LIGJET E BIZNESIT
Mbrëmjen e sotme ka përfunduar kampi rinor i LRI-së në Jalë. Kryetarja e Lëvizjes Socialiste për Integrim, Monika Kryemadhi ka deklaruar se duhet t’i mësojmë të rinjtë ta duan vendin e tyre dhe të mos e lënë kurrë Shqipërinë të rrënohet.
“Të rinjtë t’i mësojmë që të duan vendin. Shqipëria është shtëpia jonë. Unë nuk di ndonjë që ta rrënojë shtëpinë e tij, vetëm budallai e rrënon shtëpinë e tij. Ne nuk do ta lëmë më Shqipërinë asnjëherë të rrënohet. Do të marrim përgjegjësitë dhe të ecim përpara për të çuar gjërat, drejt asaj që ne aspirojmë, integrimin evropian”, theksoi ajo.
Kryemadhi u shpreh se një nga pasuritë më të mëdha të vendit është rinia. “Jemi një vend i pasur, as nga burimet natyrore, as nga nafta që na e grabisin të tjerët, as nga pasuritë minerare, por jemi shumë të pasur se kemi popullatën më të re, e cila do të jetë një nga pasuritë më të mëdha si popull”, shtoi Kryemadhi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
