Pas shpërthimit të fuqishëm në Bejrut, presidenti i SHBA Donald Trump i ka bërë thirrje qeverisë së Libanit që të zhvillojë një hetim të plotë dhe transparent.
Në deklaratën e Shtëpisë së Bardhë mbi pjesëmarrjen e Trump në konferencën e sotme të donatorëve për të ndihmuar Libanin, thuhet se presidenti amerikan konfirmoi gatishmërinë dhe vullnetin e Shteteve të Bashkuara që “të vazhdojnë të sigurojnë ndihma për popullin e Libanit”, por nuk përmendi shuma.
Numri një i amerikës ra dakord me liderët e tjerë botërorë për nevojën e një kordinimi të ngushtë të ndihmës ndërkombëtare.
Ai shprehu gatishmërinë që Shtetet e Bashkuara të ndihmojnë hetimin e shpërthimit dhe bëri thirrje për paqe në Liban, duke njohur “legjitimitetin e thirrjes së demonstruesve paqësorë për transparencë, reformë dhe përgjegjësi”.