“Pandemia mund të jetë e gjatë” OBSH lëshon paralajmërimin e rradhës: Niveli i rrezikut shumë i lartë

Një tjetër paralajmërim i fortë vjen së fundmi nga Organizata Botërore e Shëndetësisë.

Institucioni shëndetësor i rëndësishëm është shprehur se pandemia ka të ngjarë të jetë e gjatë në shtrirje kohore.

Sipas asaj që raportojnë mediat e huaja, OBSH e theksoi jetëgjatësinë e kësaj pandemie, në një deklaratë pasi komiteti i tij i urgjencës u takua për të vlerësuar krizën.

Grupi paralajmëroi edhe rrezikun e “dobësimit”, duke marrë parasysh presionet socio-ekonomike në vendet e ndryshme të botës.

“Niveli i rrezikut global nga COVID-19 vazhdon të jetë ende shumë i lartë”, u tha në një deklaratë.

“Komiteti parashikoi një shtrirje të gjatë të kësaj pandemie, duke theksuar edhe rëndësinë e përpjekjeve të qëndrueshme të reagimit të komunitetit, kombëtar, rajonal dhe global”, tha OBSH.