“Nuk kemi as bukë, as ujë” Thirrja e fëmijëve të bllokuar në Kapshticë: Na lini të afrohemi, duam të kalojmë kufirin

Vijon të përsëritet historia e para disa javëve në doganat kufitare me Greqinë, ku emigrantët shqiptarë rrinin në pritje me orë dhe ditë të tëra për të hyrë në shtetin helen.

Ndërkohë ditën e sotme, pala greke në doganën e Kapshticës ka mbyllur kufirin, pasi kuota ditore prej 300 personash që duhet të kalojnë është plotësuar në orët e para të mëngjesit.

Nga ana tjetër emigrantët dhe fëmijët e tyre ankohen se në pikën kufitare nuk ka kushte as për gjërat bazike si për kryerjen e nevojave personale, për ushqimet dhe ujin e pijshëm.

Në radhët e gjata të pritjes prej shumë orës, fëmijët të lodhur e të mërzitur kërkojnë që të ushqehen.

“Është shumë e vështirë. Nuk di çfarë të bëjmë. Nuk kemi as bukë as ujë, presim gjithë këto orë. Dua të kaloj. Ushqime nuk ka mjaftueshëm”, është shprehur një vajzë e vogël.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern