Teksa Turqia vijon kërkimet e saj për naftë dhe gaz në detin Mesdhe, Ministri i Punëve të Jashtme, Mevlut Çavuşoğlu ka hedhur deklarata të forta në lidhje me Greqinë.
Gjatë një interviste televizive për A Channel në Turqi, ai u shpreh se zgjerimi i detit me 12 milje nga ana e Greqisë do të jetë arsye për të hapur luftë.
“Ata nuk mund ta zgjerojnë territorin e tyre me 12 milje. Vendimi i marrë nga Asambleja jonë vite më parë është i vlefshëm. Kjo mund të çojë në luftë.” – u shpreh ministri.
Daily Sabah shkruan se qeveria turke është në bisedime me shumë shtete europiane pasi BE kërcënoi se do të vendoste sanksione ndaj Turqisë.
Çavuşoğlu u shpreh se vendi ka mbështetjen e shumë shteteve europiane mbi këtë çështje.
Qeveria turke kundërshton pretendimin e Greqisë për të drejtat ekskluzive në ujërat ku po punon anija kërkimore e Turqisë, duke argumentuar se ishujt nuk duhet të përfshihen në llogaritjen e kufijve detarë midis vendeve. Ankara gjithashtu ka kontestuar vazhdimisht administratën greke qipriote.
Dışişleri Bakanı Mevlüt Çavuşoğlu @MevlutCavusoglu: Oruç Reis araştırmalarını 90 gün boyunca sürdürecek @diplomasitv @sali_orhan pic.twitter.com/noKZ9SeUbB
— A Haber (@Ahaber) August 29, 2020
