Nipi i kryebashkiakes u kap mat me drogë, pse po heshtin socialistët dhe policia?

Arbër Bufi, nipi i kryebashkiakes së Roskovecit Majlinda Bufi, është proceduar penalisht pasi në mjetin që ai drejtonte efektivët e Policisë kanë gjetur lëndë narkotike.

Burime për Dosja.al bëjnë me dije se makina në të cilën u gjet edhe lënda narkotike ishte në emër të Bashkisë, kjo pasi 35-vjeçari ishte punësuar si shofer nga kryebashkiakja Bufi. Makina përdorej për transportin e kryetares Majlinda Bufi gjatë ushtrimit të detyrës.

Edhe pse lajmi është bërë publik, Policia e Shtetit ende nuk ka dalë në një deklaratë për shtyp lidhur me rastin duke u mjaftur me një procedim ndaj të riut. Gjithashtu ende nuk dihet as lloji dhe sasia e drogës që është gjetur në makinën e Bufit dhe detaje të tjera nga operacioni.

Heshtja mbizotëron edhe nga ‘kampi mavi’, nga ku asnjë nuk ka dhënë një reagim lidhur me rastin, ndërsa PD-ja ka kërkuar shkarkimin e Bufit. Duke vënë theksin tek heshtja e kryeministrit Edi Rama, ish-deputeti Enkelejd Alibeaj kërkon shkarkimin e Bufit, duke mos i kusyer akuzat se Bufi dhe nipi i saj janë nën “mbrojtjen” e kreut të qeverisë për ushtruar aktivitetin e jashtëligjshëm.

Ndërkohë që të gjitha palët heshtin, pritet nëse kryesocialisti Rama do të vazhdojë të mbajë në krye të Bashkisë Bufin, apo do të urdhërojë shkarkimin e saj…