Drejtori i Drejtorisë Rajonale të Gjirokastrës, Arben Joco ka dalë në deklaratë për të njoftuar vendimin e palës greke në lidhje me ndërprerjen e punës në Pikën Doganore të Kapshticës.
Në orën 11:00 u ndërpre puna për kalimin e udhëtarëve në Greqi me justifikimin se është plotësuar kuota prej 750 personash.
Joco shprehet se e gjitha varet nga vendimi i palës greke dhe ende nuk është e vendosur nëse do të rihapet puna apo jo.
“Ne presim se si do të vendoset nëse do të vazhdojë apo do të ndërpresin punën.
Kjo ka qenë për datën 17. Presim nga pala greke. Presim tani se si do të ecim”, u shpreh ai.
Qytetarët thonë se nuk janë njoftuar që ky kufizim do të niste që prej ditës së sotme.
E njëjta situatë paraqitet edhe në Kapshticë, ku puna në pikën kufitare është ndërprerë që prej orëve të mëngjesit pas plotësimit të kuotës prej 300 personash.