Ditën e sotme moti i keq ka pushtuar vendin tonë, duke bërë kështu që Policia e Shtetit të dalë me një thirrje të fortë.
Uniformat blu u drejtohen të gjithë personave që kanë mjete lundruese me qëllim turizmin, që të mos dalin në det të hapur deri në një moment të dytë derisa gjendja të qetësohet.
“Si pasojë e motit të keq dhe detit me dallgë, Policia e Shtetit apelon për të gjithë drejtuesit e mjeteve lundruese, (peshkarexha, motorre uji, e çdo mjet tjetër lundrues që përdoret me qëllim turizmin) të mos dalin në det deri në qetësimin e situatës,“- thuhet në apelin e Policisë.
Situata e keqe e motit dhe furtuna kanë detyruar strukturat e policisë, veç atyre detare, të bëjnë njoftimin publik për përkujdesje të të gjithë operatorëve turistikë që të kufizohen në qarkullimet e tyre në det.