LIGJET E BIZNESIT
Disa militarë të armatosur serb janë future në territorin e Kosovës, duke terrorizuar qytetarët e të gjitha moshave.
Ishte deputeti i Vetëvendosje ai që publikoi si fillim një video nga Karaçeva e Kamenicës dhe informoi se bëhet fjalë për 11 pjesëtarë të xhandarmërisë serbe.
Policia e Kosovës tha se pasi mori këtë informatë ka dërguar njësitë policore atje, por nuk kanë gjetur asnjë ushtar serb. Policia ka thënë se në zonën e Karaçevës mandatin e sigurisë e ka KFOR-i.
Ndërkohë ka reaguar edhe kryetari i Komunës së Kamenicës, Qëndron Kastrati.
Ai u shpreh se kjo situatë është tejet shqetësuese, pasi ata kanë ardhur në një zonë të frekuentuar nga të gjitha moshat dhe kanë terrorizuar qytetarët.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Reagimi i plotë të kryetarit Kastrati:
Është tejet shqetësuese që përsëri sot gjatë ditës disa paramilitarë apo militarë të armatosur serb, hyn në territorin e Kosovës, konkretisht në fshatin Karaçevë. Siç shihet në edhe në video, ata kanë ardhur në një zonë të frekuentuar nga banorët e të gjitha moshave.
Provokimi i vazhdueshëm dhe terrorizimi i qytetarëve të kësaj ane, është i papranueshëm. Ky është kërcënim direkt për banorët e Karaçevës dhe për gjithë shtetin tonë.
Lidhur me këtë çështje u kam nisur shkresë zyrtare Presidentit të Kosovës, Kryeministrit, Ministrit të Mbrojtjes e atij të Punëve të Brendshme, që konform kompetencave të tyre të veprojnë në këtë drejtim.
