Mesdheu nuk po gjen qetësi, përplasje dhe të shtëna ar*ësh mes Turqisë e Greqisë

Situate mes Turqisë dhe Greqisë vazhdon të mbetet e nxehtë, ku ditën e sotme janë regjistruar disa përplasje në detin Mesdhe.

E gjitha nisi kur Turqia nisi anijen e kërkimit të naftës në det “Oruc Reis”, të shoqëruar me disa luftëanije. Greqia pretendoi se është shkelur kufiri detar dhe anijet turke kishin hyrë në ujërat greke.

Ditën e sotme incidenti ndodhi pranë ishullit Rodos. Një jaht privat u qëllua me armë nga roja bregdetare greke, në rrethana ende të paqarta. Sipas palës greke, jahti turk ishte duke lundruar në mënyrë të çuditshme dhe me drita të fikura, ndërsa i është kërkuar të kthehet pas. Roja greke ka hapur zjarr duke qëlluar në mënyrë paralajmëruese dhe pa shkaktuar viktima, raportojnë mediat greke.

Sipas raportimeve në mediat turke, roja bregdetare greke ka qëlluar në drejtim të jahtit duke plagosur tre persona që ndodheshin në bord.

Greqia thotë se Turqia po mundohet të nxisë artificialisht konfliktin.

Ndërsa gjatë orëve të mbrëmjes së sotme anija turke e kërkimit të naftës, raportohet se ka ndryshuar kurs.