Më në fund/ Moti kthesë të papritur, ja kur bien temperaturat dhe nis shiu

Lajme të mira vinë për të gjithë ata persona që mezi po presin motin të freskohet.

Edhe pse java ka nisur me temperatura të larta, nga mesi i saj gjërat do të ndryshojnë.

Në parashikimin e motit nga Shërbimi Meteorologjik bëhet me dije se do të nisin reshjet e shiut dhe temperaturat do të bien.

Njihuni me surprizat e motit për 5 ditë e para të javës:

-Dita e hënë do të ketë mot kryesisht të kthjellët, vranësira të pakta të përqendruara përgjatë relieveve malore. Reshje shiu të izoluara përgjatë maleve në Juglindje të vendit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

-Dita e martë do të nisë me mot të kthjellët e shtim gradual të vranësirave deri të dendura.

-Dita e mërkurë do të jetë me vranësira mesatare deri të dendura. Reshje shiu që në orët e para të 24-orëshit fillimisht në Veriperëndimin e gradualisht reshjet do të shtrihen edhe në pjesën tjetër të vendit. Përgjatë Ultësirës Perëndimore dhe në Jugperëndim të vendit reshjet do të jenë me intensitet deri mesatar, lokalisht reshje në formën e shtrëngatave shoqëruar me shkarkesa elektrike dhe breshër.

-Dita e enjte do të vijojë me kushte atmosferike të paqëndrueshme. Reshje shiu të herëpashershme me intensitet të ulët përgjatë vijës bregdetare dhe intensitet deri mesatar në pjesën tjetër të vendit.

-Dita e premte do të ketë mot me alternime kthjellimesh dhe vranësira, të cilat në mesditë do të pasohen nga reshje shiu të karakterit lokal përgjatë vijë bregdetare. Në pjesën tjetër të vendit reshjet do të jenë në formën e shtrëngatave afatshkurtra.