Shifrat e rasteve të reja me koronavirus në botë kanë filluar të rriten përsëri, teksa po paralajmërohet dhe një valë e dytë e mundshme.
Edhe në vendin tonë këto numra vijojnë të mbeten të lartë, ndërsa në SHBA dhe Brazil raportohen përditë me mijëra të infektuar dhe qindra viktima nga virusi.
Por ka dhe një shtet në të cilin ka plot 100 ditë që nuk raportohet asnjë rast i ri me koronavirus.
Bëhet fjalë për Zelandën e Re, që duket sikur po e mposht virusin vdekjeprurës.
Ndërkohë autoritetet bëjnë thirrje që të vazhdohet të ruhet distanca dhe të mos ketë grumbullime njerëzish në hapësira të mbyllura.
“Njëqind ditë pas asnjë transmetim të infeksionit në komunitet është një arritje e madhe, megjithatë, siç e dimë të gjithë, nuk mund të lejojmë që të vetëkënaqemi”, tha drejtoresha e përgjithshëm e Shëndetit në Zelandën e Re, Ashley Bloomfield.
Zelanda e Re ka 23 raste aktive të cilët kryesisht janë qytetarë që janë kthyer nga udhëtimet dhe janë vendosur karantinë. Deri më tani, në këtë shtet prej 5 milionë banorësh, janë regjistruar 1,219 raste me koronavirus.