“Lëre kalemin, shtrëngo kallamin”, më këtë mesazh drejtuar Taulant Ballës do shkriheni së qeshuri!

Përplasje të forta në politikën shqiptare në lidhje me çështjen e ndarjes së detit me Greqinë. Një ditë më parë presidenti Meta deklaroi se do të njohë vetëm vendimin e Gjykatës Kushtetuese. Pas tij reagoi Taulant Balla, që tha se PS ishte në krah të historisë. Por sot, zëdhënësi i Metës, Tedi Blushi është tallur me Ballën, ose ndryshe Tao Taon.

Mesazhi i plotë i Tedi Blushit

Mos u tallni me Tao Taon! Ju lutem pse talleni me Tao Taon? Presidenti Meta është shprehur se ai do të respektojë vetëm Kushtetutën dhe vendimet e Gjykatës Kushtetuese për çështjen në fjalë.

Kushtetutën e ka miratuar PS me referendum në 22 nëntor 1998, ndërsa dhe vendimi i Gjykatës Kushtetuese në vitin 2010 është marrë në bazë të kërkesës dhe ankesës së PS.

Pra Presidenti ka konfirmuar besnikërinë ndaj këtyre akteve madhore që mbajnë vulën e PS. Në vend të mërzitet PD, revoltohet Tao Tao!

Kush na e dizinformon Tao Taon turp të ketë! Një ftesë miqësore edhe për Tao Taon: Lere kalemin, shtrëngo kallamin!