LAJM I FUNDIT/ U mbyt në liqenin e Shkodrës, nxirret trupi i pajetë i 24-vjeçarit

Dy ditë më parë humbi jetën në liqenin e Shkodrës i riu 24 vjeç Bekim Dema. Trupi i pajetë u gjet ditën e sotme nga polumbarët.

Ai ishte duke lundruar me varkë dhe u hodh për t’u larë. Fatkeqësisht nuk doli më i gjallë nga ujërat e liqenit.
Këtë sezon veror në Shqipëri janë mbytur një numër i madh njerëzish në liqen ose në det, ndërsa autoritetet kanë bërë thirrje që qytetarët të jenë më të kujdesshëm.