LAJM I FUNDIT/ Në kërkim për masakrën e Lushnjës, arrestohet shoku i Orges Bilbilit

Është arrestuar ditën e sotme Antireo Kaloshi, i cili është i shpallur në kërkim si një nga autorët e masakrës së Lushnjës.

Kaloshi kërkohet prej 3 vitesh nga policia, pasi akuzohet se bashkë me Orges Bilbilin dhe Leart Haxhiun kanë kryer atentatin në Lushnjë. Ata lanë të vrarë Zamir Latifi e Jurgen Hoxha, ndërsa mbeti i plagosur Marius Xhepexhiu.

Atentati i 2017-ës, që mori emrin masakra e Lushnjes, dyshohet se kishte shkasë një ngjarje të vitit 2016, ku u tentua të ekzekutohej nipi i Aldo Bares, Xhulio Shkurti.

Ndërkohë, Kaloshi dyshohet edhe për atentatin e ndodhur në drejtim të hotelit në Volorekë të Pogradecit.