Kosova në alarm/ Bilanc tragjik: 41 jetë të humbura, do të hapim spital të ri

Ministry i Shëndetësisë së Kosovës, Armend Zemaj ka deklaruar se do të ndërtohet një spital i ri portativ për pacientët e infektuar nga pandemia.

Në një konferencë për shtyp, Zemaj është shprehur se QKUK-ja ka ngarkesë të lartë dhe po shton rrezikun e infektimit të pacientëve që anë aty për trajtime të tjera.

“Krahas masave që do t’i marrim menjëherë, jemi duke punuar në lehtësimin e funksionimit të sistemit shëndetësor, me riorganizimin e ambulancave specialistike dhe me krijimin e një spitali portativ vetëm për pacientët me virusin, pasi jemi të vetëdijshëm se me ngarkimin e QKUK-së po rritet mundësia e infektimit me virus edhe e pacientëve që janë aty për trajtime të tjera”, ka thënë Zemaj.

Ky paralajmërim për një spital të ri ka ardhur pasi Kosova ka pasur record viktimash dhe infektimesh. Vetëm në 24 orët e fundit humbën jetën 41 persona dhe rezultuan të infektuar 708 prej tyre.