KE miraton fondin prej 3 miliardë euro për 8 vende, ja sa përfitoi Shqipëria

Komisioni Europian ka miratuar fondin prej 3 miliardë eurosh për 8 vende të Bashkimit Europian, mes tyre edhe ato që janë kandidatë për t’u anëtarësuar, për të përballuar krizën e shkaktuar nga pandemia.

Edhe vendi ynë ka përfituar nga ky vendim shumën prej 180 milionë eurosh.

Marrëveshja ka një program financiar prej 3 miliardë eurosh, për të 8-të vendet.

Kosova do të përfitojë 100 milionë euro, Maqedonia e Veriut 160 milionë euro, si dhe Mali i Zi do të marrë fondin prej 60 milionë euro.

Ky fond synon që t’u vijë në ndihmë vendeve të prekura nga virusi për të përballuar krizën ekonomike.