Kanë shifrat më të larta/ Ja kush janë qytetet më të prekur nga koronavirusi në Shqipëri

Një situatë shqetësuese është krijuar në vendin tonë për shkak të pandemisë së koronavirusit.

Shifrat vijojnë të jenë të larta dita-ditës.

E njëjta gjë është konfirmuar edhe ditën e sotme.

Në 24 orët e fundit janë kryer 561 testime për të dyshuar të prekur nga COVID19, ku janë konfirmuar 136 persona pozitivë.

Ndërsa shpërndarja gjeografike e rasteve pozitive ditore është si vijon, ku tregohen dhe qytetet më të prekura:

66 raste në Tiranë, 13 në Krujë, 11 në Shkodër, 8 në Patos, 7 në Vlorë, 6 në Kavajë, nga 4 raste Kuçovë, Fier, nga 2 raste Berat, Librazhd, Kamëz, Gjirokastër, Sarandë, nga 1 rast Durrës, Mirditë, Mat, Roskovec, Malësi e Madhe, Peqin, Gramsh.

Sipas të dhënave zyrtare të Ministrisë së Shëndetësisë, gjatë 24 orëve të fundit janë shëruar 74 qytetarë, duke e çuar numrin e të shëruarve në 3342, që nga fillimi i epidemisë.