“Jetojmë bashkë në Londër, jam shtatzënë”, mbytja e 17- vjeçares në Velipojë, reagon gruaja e Indrit Bajraktarit

Indrit Bajraktari është 25-vjeçari i arrestuar pas vdekjes së 17-vjeçares Enisa Doda në plazhin e Velipojës ndërsa një sërë akuza rëndojnë mbi të. Më herët raportuam se ai rezulton të jetë i martuar në Angli.

Gruaja e Bajraktarit ka kontaktuar redaksinë e Syri.net dhe ka thënë se quhet Almudena. Ajo pretendon se është e martuar me të që në vitin 2019 më Indritin.

Në mesazh ajo ka dërguar edhe fotografi që kanë bërë së bashku në momente të ndryshme.

Almudena shkruan se me Indrit Bajraktari ka qenë në lidhje dashurie që nga data 18 janar 2017.

Dasma e tyre u mbajt në 18 prill 2019 dhe thotë se të dy kanë një raport shumë të mirë dhe se ajo është në pritje të një fëmije me Indritin.

Sipas bashkëshortes, Indriti kishte thënë se do shkonte në Shqipëri të shikonte familjen e tij.

Ata jetojnë në Londër prej vitesh ndërsa Almudena nuk ka thënë nëse do vijë në Shqipëri për të qënë pranë burrit të saj.