“Ja kur do të vijë fundi i pandemisë” Deklarata e fortë e Bill Gates

Një deklaratë e fortë vjen së fundmi nga manjati i njohur amerikan Bill Gates.

Ky i fundit është shprehur optimist duke thënë se bota do të dalë përfundimisht nga gjendja e pandemisë deri në fund të vitit 2021.

“Fundi (i pandemisë) vjen kur midis infeksionit natyror dhe vaksinës kemi imunitetin e tufës,” tha ai në një intervistë për Bloomberg.

Gates shton ndër të tjera se “vaksina fillestare mund të mos jetë efektive” , kështu që nuk do të ishte plan i mirë nëse mendojmë se me vaksinën ka mbaruar gjithçka.

I pyetur në lidhje me debatin se shtetet e fuqishme si SHBA do të kenë më shumë qasje, themeluesi i Microsoft u shpreh se i ka këshilluar ligjvënësit amerikanë që të përgatisin një fond prej 8 miliardë dollarë për të ndihmuar vendet e varfra dhe ato me ekonomi mesatare.

Gates tha që ai është optimist se shumë terapi në zhvillim mbi trajtimin e virusit mund të ndihmojnë në uljen e shkallës së vdekshmërisë.

Në fund të korrikut, në një intervistë për CNBC, Gates shprehu pakënaqësitë në lidhje me kryerjen e testimeve për Covid-19, të cilat sipas tij lënë për të dëshiruar, ndërsa ditë më parë, reagoi mbi teoritë konspirative që e akuzojnë se ka shpikur koronavirusin.