I riu me COVID19 vrau veten/ Vjen reagimi zyrtar i spitalit ‘Shefqet Ndroqi’: Ja si ishte gjendja e tij

Pas ngjarjes së rëndë paraditen e sotme, ku një i ri i infektuar me COVID19 u vetëvra pasi u hodh nga kati i tretë i spitalit “Shefqet Ndroqi” , ka ardhur dhe reagimi i këtij institucioni.

Në të thuhet se stafi i këtij spitali shpreh dhimbjen për humbjen e jetës së 29-vjecarit me iniciale Xh.K dhe përcjell ngushëllimet më të sinqerta për familjen.

Gjithashtu theksohet se i riu po trajtohej prej 4 ditësh dhe gjendja ishte e stabilizuar.

“I riu i konfirmuar me COVID-19, po trajtohej prej 4 ditësh në spitalin ‘Shefqet Ndroqi’, me terapinë e plotë të mjekimit dhe gjendja e tij ishte e stabilizuar.

Lidhur me arsyet që e çuan të riun drejt këtij akti ekstrem, është duke u kryer hetimi nga ana e organeve kompetente. Stafi i spitalit universitar ‘Shefqet Ndroqi’ siguron qytetarët se do të vazhdojë të ofrojë me përkushtim dhe profesionalizëm, shërbim shëndetësor për pacientët që trajtohen në spitalin tonë”, thuhet në njoftim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern